Munadarija
Mohlaroyim Nodirbegim g’azallari sherlari to’plami taqdim etilmoqda.
Ahvolidin ogoh bo’ling.
Yorning vasli emas ozorsiz,
Gulshan ichra gul topilmas xorsiz.
Ul parivash vaslidin bo’ldim judo,
Rohati dil qolmadi dildorsiz.
Yor uchun ag’yor dardin tortaman,
Ko’rmadim bir yorni ag’yorsiz.
Tan buzuldi, endi rohat qolmadi,
Soya paydo bo’lmadi devorsiz.
Berma nisbat qaddiga, ey bog’bon,
Sarvdur bu bog’ aro raftorsiz.
Nodira ahvolidin ogoh bo’ling,
(Ey musohiblarki, qolmish yorsiz).
Marhabo
Marhabo, ey payki sulton, marhabo,
Hudhudi mulki Sulaymon, marhabo.
Tal’ating farrux, muborak maqdaming
Qildi kulbamni guliston, marhabo.
Xo’b kelding, yaxshi keltirding xabar,
Aylading dardimga darmon, marhabo.
Bo’ldi mavzun qomatingdin munfail,
Sarvi nozi bog’i rizvon, marhabo.
Qilg’asen ul moh mehrin oshkor,
Subh yanglig’ pokdomon, marhabo.
Mujda keltirding visoli yordin,
Topti taskin dardi hijron, marhabo.
Kel beri, to xoki poyingni qilay
To’tiyoyi chashmi giryon, marhabo.
Ravshan aylarman chirog’i ohni,
Ko’zlarimdur gavharafshon, marhabo.
Bu kecha hijron shabistonidadur
Anjumi ashkim charog’on, marhabo.
Qo’y kafi poyingni diydam ustina
Bir dam, ey sarvi xiromon, marhabo.
Nodira, har so’zki insho ayladim,
Aydi anga ahli davron: “Marhabo!”
Tavsiya etamiz : Nodirbegim umr yo’li insho
Yorsiz Na Lazzat.
Jon ko’rmadi ro’zadin halovat
Iftorda yorsiz na lazzat?
Yor aylasa yori birla iftor,
Yo’q ro’zada mundin o’zga davlat.
El barcha visol bazmida shod,
To subh chekib surudi ishrat.
Har shom menga navolayi g’am
Iftor qilurg’a bo’ldi qismat.
Mohi ramazonki, fayzi cho’qtur,
Men xastag’a yorsiz na rohat.
Har shom ko’zimni yoshi sham’im,
Xuni jigarim ba joyi sharbat.
Hijron ila ro’za javr etolmas,
Gar yor esa, Nodira, salomat.
Tushimda ko’rsam edi
Nigori gulbadanimni tushumda ko’rsam edi,
Labi shakarshikanimni tushumda ko’rsam edi.
Ko’z ochmayin g’amida ro’zg’orim o’tquchidur,
Ki yori siymtanimni tushumda ko’rsam edi.
Chu davri rohatim o’tti zihi saodat edi,
Murodi jonu tanimni tushumda ko’rsam edi.
G’amida shona kabi chok-chokdur ko’nglim,
Ki, kokili Xo’tanimni tushumda ko’rsam edi.
Yuzi gulu qadi shamshod, ko’zlari nargis,
Bahori yosumanimni tushumda ko’rsam edi.
Jafoi hajr bila ko’ksumi nigor qilay,
Nigohi sehr fanimni tushumda ko’rsam edi.
Labimg’a keldi aning vaslini tilab jonim,
Balo o’ti figanimni tushumda ko’rsam edi.
Hamisha bulbuli tab’im fig’onu zor etar,
Ki,orazi chamanimni tushumda ko’rsam edi.
Firoqi Nodira ko’nglumg’a dog’lar qo’ydi,
Amiri safshikanimni tushumda ko’rsam edi.
Shukur ayla xudoga
Farhod agar ursa menga lofi muhabbat,
Bor oh ila aylaram ani dog`i xijolat,
Harchandki bemori g`ami ishq edi Majnun,
dardimni ko`rib tishladi angushti nadomat.
Farhodda bo`lsaydi mening g`ayrati ishqim,
Bir oh ila aylar edi ul tog`ni g`orat.
Majnunda agar bo`lsa edi sabru tahammul,
Qilmasmu edi men kabi shahr ichra iqomat.
Gar bo`lsa zulayhoda mening zarracha ishqim,
Qolmas edi Yusufni firoqida salomat.
Ishq ofatig` tog` tahammul qila olmas,
Men menki qilurmanbu g`amu dardga toqat.
Dardu alamu g`ussaki h`jrida chekarman,
Bu mennatu g`am kimdadur, ey ahli muhabbat.
Yuzdin biri Majnunda agar bo`lsa g`amimni,
Bir oh ila olamg` solur sh`ri qiyomat.
Har holda, ey Nodira, shukr ayla xudog`a,
Ki berdi senga ishqu muhabbat ila davlat.
Tavsiya etamiz : Nodirbegim hayoti va ijodi
****
Sunma may, ey soqii davron, mango
Kim, nasib o‘lmish azaldin qon mango.
Yor javridin shikoyat qilmazam-
Kim, erur bir vajhi istihson mango.
Nola bir dilso‘z yorimdur mening,
Hamnishindur diydai giryon mango.
Mushkil ishdur dardi hijron kulfati,
YO rab, ul mushkilni qil oson mango.
Dashtu sahrolarni qildim ixtiyor,
Bo‘ldi Majnun qissasi burhon mango.
Oh, naylay o‘tti davroni visol,
Bevafoliq ayladi davron mango.
Muntazirdurman hamisha Nodira,
Bir qiyo boqqaymu deb jonon mango.
