Garchi zug’um qilganlarni yoqtirmadim,
She’r yozdimu bo’lak ishni qotirmadim.
Tilim turib o’z tilimda gapirmadim,
Bir eslasam eziladi bag’ri-dilim,
Ona tilim, kechir meni, ona tilim.
Onam «erkam» deb quchganda tunlar yarim,
Erkim yo’q deb zirqirardi bir joylarim,
Parovozni hansiratgan bug’doylarim,
Oltinlarim, ma’danlarim, ipaklarim,
Ona tilim, kechir meni, ona tilim.
Kimlar uchun biz edik bir badaviylar,
O’zbekni qon qaqshatganni uzbek siylar,
Holimizni qon kuzatdi Yassaviylar,
Topganimiz handalakdek tilim-tilim,
Ona tilim, kechir meni, ona tilim.
Kimdir mayda millat bo’ldi, kimdir katta,
Katta millat — Afandisi yo’kdir hatto,
Biz piyoda, biz boqqanlar yurdi otda,
Zulm o’tsa faqat sendan o’tdi zulm,
Ona tilim, kechir meni, ona tilim.
Sen bo’lmasang nima bizga sillik she’rlar,
Bu dunyoda tili yo’kda dil yo’q derlar,
Bahoing-ku berib ketgan Alisherlar,
Yuragimning to’ridagi so’lmas gulim,
Ona tilim, kechir meni, ona tilim.
Bir qarasam har shevangda ming jilolar
Har novdangda, har mevangda ming jilolar.
Qodiriylar, Cho’lponlar-u, Abdullolar,
Sening qaytgan kuning men tug’ilgan yilim,
Ona tilim, ey muqaddas Ona tilim.
_________
Ona tilim
Ona tilim -onajonim tili bu,
Beshikdanoq singan jonu quloqqa.
El-yurtim, qonimonim tili bu,
Qadimlikdan oʼxshar ona tuproqqa.
Bobolardan bizga meʼros ezgu til,
Аvlodlarga xazinayu bebaxo.
Qalbimizga, ruhimizga koʼzgu til,
Bu dunyoga bagʼishlaymiz ne daho.
Yovonlarning cheksizligi,
Ham samimiy ham hovuri,
Onajonlar allasidan,
Koʼz yoshidan, oq sutdan,
Toʼgʼaylarning tengsizligi,
Jilgʼalarning shoʼx hovuri,
Yigitlarning yallasidan,
Suluvlarning sukutidan,
Yoʼgʼrilgan til-ona tilim.
Tilim
Gullasin Vatanim, yashnasin elim,
Baxt-u saodatdan yayrasin dilim,
Аrmoni yoʼq inson boʼlay dunyoda,
Dilim quvonchini soʼylasin tilim.
Ona tilim obroʼsin koʼtaray koʼkka,
Men ham intilaman doim yuksakka,
Vatanga muhabbat tilga sadoqat,
Har kimni yetkazar ezgu tilakka.
Oʼzbek tili – mening ona tilimdir,
Har bir kuy-gʼazali gʼuncha – gulimdir,
Oʼz ona tilimni chin dildan sevmoq,
Bilaman, men tutgan toʼgʼri yoʼlimdir.
Mirtemir
«Ona tilim»
Yobonlarning cheksizligi,
Ham samumi, ham hovuri,
Onajonlar allasidan,
Qoʼz yoshidan, oq sutidan;
Toʼqaylarning tengsizligi,
Jilgʼalarning shoʼx gʼovuri,
Yigitlarning yallasidan,
Suluvlarning sukutidan —
Yoʼgʼrilgan til — Ona tilim.
Daryolarning toshqin payti
Аrslon yangligʼ arillashi,
Dovonlarning koʼk qiyosi,
Qorli togʼlar jilosidan,
Choʼponlarning qamish bayti,
Childirmaning darillashi,
Goʼroʼgʼlining alp siymosi,
Аlpomishning daʼvosidan —
Tugʼilgan til — Ona tilim.
Tulporlarning asovligi,
Tosh chaqishi, olovligi,
Bobolarning oltin soʼzi,
Boʼyoqchining oʼlanidan:
Toʼquvchining algʼovligi,
Chilangarning dalgʼovligi,
Bu tuproqning qoʼsh hoʼkizi,
Qoʼshchisi ham qoʼlanidan —
Yaralgan til —
Ona tilim.
Shu tuproqning jon ayamas
Tarlonlari, burgutlari,
Kelinlarning dildoshligi,
Yor-yorlarning jarangidan;
Bosqinlarning bedodligi,
Buvilarning oʼgitlari,
Doʼmbiraning mungdoshligi,
Dutorning ham tarangidan —
Taralgan til — Ona tilim
Garchi zug’um qilganlarni yoqtirmadim,
She’r yozdimu bo’lak ishni qotirmadim.
Tilim turib o’z tilimda gapirmadim,
Bir eslasam eziladi bag’ri-dilim,
Ona tilim, kechir meni, ona tilim.
Onam «erkam» deb quchganda tunlar yarim,
Erkim yo’q deb zirqirardi bir joylarim,
Parovozni hansiratgan bug’doylarim,
Oltinlarim, ma’danlarim, ipaklarim,
Ona tilim, kechir meni, ona tilim.
Kimlar uchun biz edik bir badaviylar,
O’zbekni qon qaqshatganni uzbek siylar,
Holimizni qon kuzatdi Yassaviylar,
Topganimiz handalakdek tilim-tilim,
Ona tilim, kechir meni, ona tilim.
Kimdir mayda millat bo’ldi, kimdir katta,
Katta millat — Afandisi yo’kdir hatto,
Biz piyoda, biz boqqanlar yurdi otda,
Zulm o’tsa faqat sendan o’tdi zulm,
Ona tilim, kechir meni, ona tilim.
Sen bo’lmasang nima bizga sillik she’rlar,
Bu dunyoda tili yo’kda dil yo’q derlar,
Bahoing-ku berib ketgan Alisherlar,
Yuragimning to’ridagi so’lmas gulim,
Ona tilim, kechir meni, ona tilim.
Bir qarasam har shevangda ming jilolar
Har novdangda, har mevangda ming jilolar.
Qodiriylar, Cho’lponlar-u, Abdullolar,
Sening qaytgan kuning men tug’ilgan yilim,
Ona tilim, ey muqaddas Ona tilim.
_________
