Quvayt davlati haqida

Quvayt davlati haqida to’liq ma’lumotlar.

Quvayt davlati.

Davlat tili — arab. Dini — islom. Pul birligi — quvayt dinori.

Geografik joylashuvi va tabiati.

Osiyo qit’asining janubi g‘arbiy qismidagi davlat. Janubda Saudiya Arabistoni (chegara uzunligi — 222 km), shimolda va shimoli g‘arbda Iroq (242 km) bilan chegaradosh. Chegarasining umumiy uzunligi — 499 km. Hududining katta qismi cho‘lli pasttekisliklar- dan iborat. Asosiy tabiiy resurslari: neft, tabiiy gaz. Iqlimi — yilning katta qismida issiq havo hukmronlik qiladi.
Rasmiy nomi Quvayt Davlati
Poytaxti Al Quvayt.
Hududi 17818 km.kv.
Aholisi 2,7 mlndan ortiq (2012)

Davlat tuzilishi va siyosiy partiyalari.

Davlat tuzilishi — konstitutsion monarxiya. Mamlakat tarkibi — 5 ta gubematorlikdan iborat. Quvayt 1961-yil 19-iyunda Buyuk Britaniyadan mustaqillikni qoiga kiritgan. Milliy bayrami — 25-fevral — Milliy kun. Davlat boshlig‘i — amir. Qonun chiqaruvchi hokimiyat- ni amir va bir palatali parlament — Milliy Majlis amalga oshiradi. Siyosiy partiyalari yo‘q.

Iqtisodi.

Iqtisodi, transport kommunikatsiyalari. Iqtisodining asosini neft qazib olish va neftni qayta ishlash sanoati tashkil etadi. Asosiy savdo hamkorlari: Fransiya, AQSH, Italiya, Yaponiya. Temiryo’llari yo’q. Avtomobil yo‘llarining umumiy uzunligi — 4270 km. Muhim portlari: Mina-Saud, Mina-Abdulloh, Mina-al-Ahmadi.

Tarixi.

VII asrdan Quvayt arab xalifaligi tarkibiga, XVI asrdan boshlab Usmoniylar imperiyasi tarkibiga kirgan. 1756-yilda avtonomiya maqomini olgan Quvayt amirligi 1899-yil Britaniya protektoratiga aylandi. 1961-yilda mustaqillikni qo‘lga kiritadi. 1990-yil mamlakat Iroq tomonidan bosib olinadi va Iroqning 19-provinsiyasi deb e’lon qilinadi.
1991-yil yanvarda BMT Xavfsizlik Kengashi qarori bilan ittifoqchilar qo‘shinlari Quvaytni ozod qilish harakatini boshlaydi va bu harakat fevralda muvaffaqiyatli yakunlanadi.

Quvayt bayro’gi.

Kuvaytmi yoki Quvaytmi ?

Arabiston yarimorolida joylashgan bu davlat nomida koʻp xato qilinadi. Hatto qaror va farmonlarda, rasmiy idoralar saytlari, internet nashrlari sahifalarida va boshqa oʻrinlarda Quvayt shaklida yanglish ishlatilganini koʻrish mumkin. Albatta, hech kim xatodan xoli emas, hammamiz ham adashamiz. Buning davosi – bilib olishdir.

Davlatning nomi – Kuvayt. Arabchasi  – davlatul Kuvayt. Kichkina hududga ega bu mamlakatning poytaxti nomi ham al-Kuvaytdir. Kuvayt arabchada shaharcha, qoʻrgʻoncha maʼnosini anglatadi.

Oʻzbekiston milliy ensiklopediyasida davlat va shahar nomi Kuvayt shaklida berilgan.

Men Quvayt variantini ham lugʻatlarga, jumladan, ensiklopediyaga kiritish tarafdoriman. Chunki talaffuzda asosan Quvayt deymiz, tilimizga shu qulay. Masalan, ozarlar oʻz mamlakatlarini Azerbayjan deb ataydi, biz oʻzimizga moslab Ozarbayjon deymiz. Bu lugʻatlarimizda ham aks etgan. Til chet soʻzni oʻziga moslashi tabiiy jarayon.

Rasmlar.