Лазерларнинг резонаторлари

Лазерларнинг резонаторлари оптик тизим бўлиб, турғун электромагнит тўлқин ҳосил қилиш ҳамда ишчи муҳитдаги ғалаёнлантирилган зарраларнинг мажбурий нурланиш бериш жараёнининг эффективлигини ошириш учун зарур бўлган юқори интенсивликдаги нурланиш олиш ҳамда электромагнит тўлқинни когерент кучайтириш имконини беради. Лазерлардаги оптик резонаторлар тизимдаги нурланиш квантининг яшаш вақтини узайтиришдан ташқари зарраларнинг мажбурий нурланиш бериб сатҳдан сатҳга ўтиш эҳтимоллигини оширади ҳамда нурланишнинг тавсифларини белгилайди.